នាព្រឹកថ្ងៃសៅរ៍ ៧រោច ខែទុតិយាសាឍ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី ៣១ ខែកក្កដា ឆ្នាំ២០២១ ឯកឧត្តម ណយ ស្រូន សមាជិកក្រុមសមាជិកព្រឹទ្ឋសភាប្រចាំភូមិភាគទី៨ អមដំណើរដោយ លោក នង ទុណ្ណារី ប្រធានក្រុមប្រឹក្សាស្រុកអូររាំង ខេត្តមណ្ឌលគិរី រួមជាមួយថ្នាក់ដឹកនាំ និងមន្ត្រីរាជការ នៃមន្ទីរការងារ និងបណ្តុះបណ្តាលវិជ្ជាជីវៈខេត្តមណ្ឌលគិរី បាននាំយកយកនូវទៀនព្រះវស្សា ទេយ្យវត្ថុ និងបច្ច័យប្រគេនដល់ព្រះសង្ឃគង់ចាំព្រះវស្សានៅវត្តមង្គលគិរីប្រឹក្សារាម (ហៅវត្តអូររាំង) និងវត្តធម្មគិរីជ្រៃមាស (ហៅវត្តដាក់ដាំ) នៅស្រុកអូររាំង ខេត្តមណ្ឌលគិរី ។
ចំពោះទេយ្យវត្ថុប្រគេនព្រះសង្ឃ ដោយក្នុង១វត្តៗ ទទួលបាននូវទៀនព្រះវស្សា១គូរអង្ករ២បេ ( ១០០ គីឡូក្រាម ) មី៤កេស ទឹកផ្លែឈើ១កេស ទឹកបរិសុទ្ឋ១កេស ទឹកត្រី១យួរ ទឹកស៊ីអ៉ីវ១យួរ ម៉ាស់៥ប្រអប់ អាល់កុល៥លីត្រ ទឹកសម្លាប់មេរោគ៧ដប និងបច្ចយ័ចំនួន៩៨០,០០០រៀល។
